Nýtt samstarv um frítíðarkarmar

Hósdagin hevði Sunda kommuna forkunnuga vitjan av Jakob Færch frá Lokale og Anlægsfonden - eisini nevndur LOA-grunnurin.

Endamálið við vitjanini var, at kanna karmarnar fyri virknum ítróttar og útilívið hjá borgarum í kommununi, og tosa um hvussu kommunan saman við LOA-grunninum kann betra um karmarnar.

Kommunan hevur tvær stórar byggiverkætlanir í gongd. Vit byggja okkara fyrstu ítróttarhøll við Streymin og útbyggja ítróttarøkið við Margáir við m.a. venjingarhøli. Eisini eru ymsar aðrar verkætlanir á tekniborðinum, sum skulu eggja borgarum til eitt virkið útilív runt um í bygdunum.

Borgarstjórin, saman við umsiting og umboðum fyri Brim arkitektar vitjaðu í Saksun, við Margáir og í Náttúrulundini við Streymin. Umframt hetta, varð seinnaparturin brúktur til fund um ítøkiligar ætlanir og møguleikar fyri samstarvi.

Til seinast varð býráðið kunnað um virksemi hjá LOA- grunninum og um komandi samstarvið millum Sunda kommunu og LOA-grunnin.

Myndir frá vitjanini síggjast her:

Sig tína hugsan

Situr tú inni við einum góðum hugskoti, ynski ella viðmerking. Skriva okkum eini boð her.

Sunda kommuna

Oyrarbakkavegur 3
Postrúm 10
FO-400 Oyrarbakki

Tel.: (+298) 66 72 71
Fax: (+298) 40 72 70
sunda@sunda.fo

Skrivstova okkara er opin soleiðis:

Mánadag-fríggjadag: 9.00 til 16.00
Mikudag: 10.00 til 16.00